សប្ដាហ៍នេះខ្ញុំលើកយកពាក្យចំនួនពីរទៀត ដែលមានសូរដូចគ្នាប៉ុន្តែន័យនៃពាក្យខុសគ្នាមកបង្ហាញជូនដល់អ្នកទាំងអស់គ្នាដើម្បីបានជាគតិ និង ជាប្រយោជន៍ក្នងការប្រើប្រាស់ពាក្យពេចន៍ឲ្យបានត្រឹមត្រូវ និង សម្រាប់ជាការពិចារណាទាំងអស់គ្នាក្នុងភាសាជាតិយើង។ ខាងក្រោមនេះជាអត្ថន័យនៃពាក្យទាំងពីរនេះ ៖
កែន (កិ) បង្គាប់, ប្រមូលហៅរកដោយអាជ្ញា ឧទាហរណ៍៖កែនពល,កែនរទេះ។ កំណត់សំគាល់, ទាយកំណត់ទុក ឧទាហរណ៍៖កែនពិរុណសាស្ត្រ គឺកំណត់សម្គាល់នូវទឹកភ្លៀង ឬ ទាយទឹកភ្លៀង ។ ( ធ្លាប់ប្រើជា កេណ្ឌ ក៏មាន; ពាក្យនេះប្រហែលជាក្លាយមកពីបាលីថា កណ្ឌ ទេដឹង? ) ។
កេណ្ឌ (កិ) ( កែន) គេធ្លាប់ប្រើដូចកេណ្ឌទ័ព កេណ្ឌពល ប៉ុន្តែមិនដឹងពាក្យនោះមានដើមកំណើតមកពីណា។ សព្វថ្ងៃគេមិនសូវប្រើទេ។
