សប្ដាហ៍នេះខ្ញុំលើកយកពាក្យចំនួនពីរទៀត ដែលមានសូរដូចគ្នាប៉ុន្តែន័យនៃពាក្យខុសគ្នាមកបង្ហាញជូនដល់អ្នកទាំងអស់គ្នាដើម្បីបានជាគតិ និង ជាប្រយោជន៍ក្នងការប្រើប្រាស់ពាក្យពេចន៍ឲ្យបានត្រឹមត្រូវ និង សម្រាប់ជាការពិចារណាទាំងអស់គ្នាក្នុងភាសាជាតិយើង។ ខាងក្រោមនេះជាអត្ថន័យនៃពាក្យទាំងពីរនេះ ៖
កេស (ន)( បា. ) សក់, សក់ទាំងឡាយ ( ប្រើក្នុងរាជសព្ទ )
ព្រះកេស, ព្រះកេសា; ចម្រើនព្រះកេសាថ្វាយ គឺកាត់សក់ថ្វាយ; កោរព្រះកេសា គឺកោរសក់ ។ ឧទាហរណ៍៖ ព្រះកេសព្រះសង្ឃ។
កេះ (កិ) ឆ្កឹះដោយម្រាមដៃ, ដោយក្រចក ។ ឧទាហរណ៍៖កេះដី, កេះរមាស់ ។
