សប្ដាហ៍នេះខ្ញុំលើកយកពាក្យចំនួនពីរទៀត ដែលមានសូរដូចគ្នាប៉ុន្តែន័យនៃពាក្យខុសគ្នាមកបង្ហាញជូនដល់អ្នកទាំងអស់គ្នាដើម្បីបានជាគតិ និង ជាប្រយោជន៍ក្នងការប្រើប្រាស់ពាក្យពេចន៍ឱ្យបានត្រឹមត្រូវ និង សម្រាប់ជាការពិចារណាទាំងអស់គ្នាក្នុងភាសាជាតិយើង។ ខាងក្រោមនេះជាអត្ថន័យនៃពាក្យទាំងពីរនេះ ៖
ក្រំ (កិ) បង្កប់ បញ្ចុះលោហធាតុផ្សេងៗ នឹងដែក។ ឧទាហរណ៍៖ ក្រំមាស គឺគេយកមាសមកបង្កប់ ឬ បញ្ចុះនឹងដែក។
ក្រំ (គុ) ខាំ ស្ងួត ស្ងប់ អន់ សៅហ្មង។ ឧទាហរណ៍៖ ក្រំខ្លួន ក្រំចិត្ត ក្រៀមក្រំ។
ក្រម (ន. សំ. ) លំដាប់ ក្បួន បែប ពួក។ ឧទាហរណ៍៖ ក្រមព្រហ្មទណ្ឌ ក្រមរដ្ឋបវេណី ។
ក្រម ងារក្នុងតំណែងរាជការឃុំក្នុងសម័យពីដើម, ក្លាយមកពីពាក្យ «ក្រមការ”»(ម. ព. នោះ)។
