សប្ដាហ៍នេះខ្ញុំលើកយកពាក្យចំនួនមួយទៀត ដែលមានសូរដូចគ្នា ប៉ុន្តែន័យនៃពាក្យខុសគ្នាមកបង្ហាញជូនដល់អ្នកទាំងអស់គ្នាដើម្បីបានជាគតិ និង ជាប្រយោជន៍ក្នងការប្រើប្រាស់ពាក្យពេចន៍ឱ្យបានត្រឹមត្រូវ និងសម្រាប់ជាការពិចារណាទាំងអស់គ្នាក្នុងភាសាជាតិយើង។ ខាងក្រោមនេះជាអត្ថន័យនៃពាក្យនេះ ៖
ខារ (កិ.) ទាញអូសដោយគ្រឿងចក្រ។ ឧទាហរណ៍៖ ខារឈើហុបពីក្នុងទឹកមកលើគោក។
ខារ (គុ.) (សំ. ក្សារ) ដែលស្ទើរហាង ស្ទើរក្រពុល ស្ទើរខ្មួរ។ ឧទាហរណ៍៖ ធុំក្លិនខារ។
ខារ (ន.) ឈ្មោះត្រប់មួយប្រភេទ ផ្លែមានរសខារ។ ឧទាហរណ៍៖ ត្រប់ខារ ( ខ្លះហៅ ត្រប់ខ្មួរ )។
