ស្វែងយល់ពីពាក្យខ្មែរ៖ «កា» «ការ» «កាណ៌» និង «ការណ៍»

1,068

សប្ដាហ៍នេះ ខ្ញុំលើកយកពាក្យចំនួនបួនទៀត ដែលមានសូរដូចគ្នា ប៉ុន្តែន័យនៃពាក្យខុសគ្នាមកបង្ហាញជូនដល់អ្នកទាំងអស់គ្នាដើម្បី បានជាគតិ និង ជាប្រយោជន៍ក្នងការប្រើប្រាស់ពាក្យពេចន៍ឲ្យបានត្រឹមត្រូវ និង សម្រាប់ជាការពិចារណាទាំងអស់គ្នាក្នុង ភាសាជាតិយើង។ ខាងក្រោមនេះជាអត្ថន័យនៃពាក្យទាំងបួននេះ ៖

កា (ន)បំពង់សម្រាប់ដាក់ទឹកធ្វើអំពីលោហធាតុផ្សេងៗ ឬ ពីដីលាយពណ៌។ ឧទាហរណ៍ ៖ កាទឹក។

កា (កិ) សរសេរចុះឈ្មោះទីលំនៅអ្នកដែលនឹងទទួលសំបុត្រ នៅលើស្រោមសំបុត្រ ឬ ខ្នងសំបុត្រដែលនឹងផ្ញើទៅ ។ ឧទាហរណ៍៖ កាខ្នងសំបុត្រ។

ការ (កិ) មូរសរសៃសូត្រ សរសៃអំបោះជាដើមដោយខ្នារ។ ឧទាហរណ៍៖ ការសូត្រ ការអំបោះ ។

ការ (កិ) រៀបអាវាហវិវាហមង្គល ផ្សំផ្គុំបុរស និង ស្ដ្រី ឲ្យបានគ្នាជាគូស្វាមីភរិយា។ ឧទាហរណ៍៖ការកូន ការក្មួយ។

ការ (ន) កិច្ច ឬ អំពើដែលត្រូវធ្វើ។ ឧទាហរណ៍៖ មានការ ធ្វើការ។

កាណ៌ (ន. សំ) មានមន័យថា ត្រចៀក។ ឧទាហរណ៍៖ ព្រះកាណ៌ គឺត្រចៀកស្ដេច។

ការណ៍ (ន. បា. សំ.) ហេតុ ដំណើរ។ឧទាហរណ៍៖ ទាស់ការណ៍ហើយឯង សេចក្ដីរាយការណ៍ ។

Related Post