The Bona Notes

ក្នុង​ឱកាស​នេះ នឹង​ពណ៌នា​អំពី​ប្រវត្តិ​នៃ​ទស្សនាវដ្ដី កម្ពុជសុរិយា នៃ​ពុទ្ធសាសនបណ្ឌិត្យ ដោយ​សេចក្ដី​សង្ខេប តែ​មុន​បង្អស់ សូម​ពណ៌នា​អំពី​ពាក្យ​ថា ទស្សនាវដ្ដី នឹង​ពាក្យ​ថា កម្ពុជសុរិយា ។ អ្វី​ហៅថា ទស្សនាវដ្ដី កម្ពុជសុរិយា ? ទស្សនាវដ្ដី ជា​ពាក្យ​បាលី ប្រែ​ថា “ដំណើរ​វិល​នៃ​ការ​មើល” គឺ​ការ​មើល​ឬ​អាន​វិល​ទៅ​តាម​ពេល​កំណត់ ដែល​នឹង​ចេញ​ឲ្យ​មើល​ឲ្យ​អាន​ដូច​កំណត់​វេលា​កន្លះ​ខែ ឬ មួយ​ខែ​នឹង​ចេញ ១ លេខ​ឲ្យ​មើល យ៉ាង​នេះ​ហៅ​ថា ទស្សនាវដ្ដី

ព្រះរាជពិធីច្រត់ព្រះនង្គ័ល ព្រះរាជ​ពិធី​ច្រត់ព្រះនង្គ័ល ដែល​ត្រូវបាន​គេ​ប្រារព្ធ​ធ្វើឡើង ជា​រៀងរាល់ឆ្នាំ នៅក្នុង​ថ្ងៃ​៤​រោច ខែ​ពិសាខ ឯ​វាល​ព្រះ​ស្រែ ឬ​វាលមេរុ ស្ថិតនៅ​ពី​ខាងជើង នៃ​ព្រះបរមរាជវាំង​សព្វថ្ងៃ នៅ​រាជធានី​ភ្នំពេញ និង​ឆ្នាំ​ខ្លះ​ធ្វើ​នៅតាម​ខេត្ត​នោះ គឺ​មាន​ប្រវត្តិ​ដ៏​យូរលង់​ណាស់​មកហើយ ។​ ​បើ​តាម​រឿង​រាម​កេរ្តិ៍ ក្នុង​ព្រហ្មញ្ញាសាសនា ស្ទើរតែ​ដើម​នៃ​រឿង ត្រង់​វគ្គ​មួយ ដែល​បាន​និយាយ​ពី​ព្រះរាជ​ពិធី​ច្រត់ព្រះនង្គ័ល ត្រង់​ព្រះបាទ​ជនក​ទៅ​ច្រត់ព្រះនង្គ័ល រួច​ក៏​បាន​ប្រទះ​ឃើញ​នាង​សី​តា ដែល​គេ​ផ្ញើ​នឹង​ព្រះធរណី​ក្នុង​ដី ។

ពិធីបុណ្យវិសាខបូជា ពិធី​បុណ្យ​វិសាខបូជា​គឺ​ជា​បុណ្យ​មួយ​យ៉ាង​ធំ​ក្នុង​ព្រះពុទ្ធសាសនា​រាប់​ថា​ជា​ពុទ្ធានុស្សរណកិច្ច​ដ៏​សំខាន់​សម្រាប់​រំឭក​ដល់​ព្រះពុទ្ធ​សមណគោត្ដម​ បរមគ្រូ​ នា​ថ្ងៃពេញបូណ៌មី​(គឹ​ថ្ងៃ១៥កើត)​ខែ​ពិសាខ​ ដែល​ពុទ្ធសាសនិក​ទាំង​ព្រះសង្ឃ​ ទាំងគ្រហស្ថ​ តែង​ធ្វើ​សក្ការ​បូជា​ប្រកប​ដោយ​ជំនឿ​ថា​ជា​មហា​កុសល​ដ៏ប្រសើរ​ ។​ការ​ដែល​ប្រារឰ​ពិធី​បូជា​នាថ្ងៃ១៥ កើត ខែពិសាខ​ នេះ​ អាស្រ័យ​ដោយ​លោក​អ្នក​ប្រាជ្ញ​ខាង​ពុទ្ធសាសនា​ បាន​កំណត់​ទុក​ក្នុង​គម្ពីរបឋម​សម្ពោធិ​ថា​ជា​មហាមង្គល​ អភិលក្ខិតកាល​គឺ​ជា​ថ្ងៃ​មហាមង្គល​ ត្រូវនឹង​ថ្ងៃដែល​ព្រះសម្ពុទ្ធបរមគ្រូ​៖ ១–ទ្រង់​ប្រសូត​ចាក​ឧទរមាតា​ ២–ទ្រង់​ត្រាស់ដឹង​អនុត្ដរសម្មាសម្ពោធិញ្ញាណ  ៣–ទ្រង់​រំលត់​ខន្ធ​ចូលកាន់​ព្រះបរមនិព្វាន​ សម្ដេច​ព្រះបរមសាស្ដ្រាចារ្យ​របស់យើង​ ទ្រង់​ប្រសូត​ ត្រាស់ដឹង​ និងបរិនិព្វាន​ សុទ្ធ​តែ​ក្នុង​ថ្ងៃ​ពេញ​បូណ៌មី